بسم الله الرحمن الرحيم ..

زى ما انتوا شايفين القسم كلام نص كم ..

والموضوع .. " كلام مفتوح "

نص كم برده !!

وعلشان احنا دخلنا فى الصيف " فجأة " ..!

جينا نتكلم هنا براحتنا ..

محدش هيبص لكلامنا المفتوح ده .. غيرنا .. !

هنتكلم فى اللى بيحصل ومش عاجبنا .. demagh(40).gif

بس حتى لو مش عاجبنا .. نخبط راسنا فى أقرب حيط طبعاً ..

بس احنا هنا فى الموضوع ده .. علشان نحاول نشوف أبعد حيطة ..

ونحاول نخليها حنينة على راسنا شوية ..

أنا مش أديب هقعد ازوق كلام ..

ولا أنا سياسى .. هقعد أوعدكم بمستقبل باهر ..

بس انا مواطن .. بعانى زيى زى ملايين غيرى ..

أبعد كلمه ممكن تقولها إيه ..

" حــــــــــــــــــــــــــــــــــــــــــــــــــــــرام " ..

لا لا ..

" حسبي الله ونعم الوكيل " ..

دى أحسن صح ..

المهم علشان منطولش الكلام ده ..

أحنا هنا هنتكلم عن اللى بنشوفه فى اليوم العادى ..

أسعار غالية .. بغباء ..

هنروح فين ونجيب منين يعنى ..

ده لسان حال كل موظف بسيط أو غير بسيط ..

طبعاً انتوا عايشين .. وشايفين ظروفنا وظروف غيرنا ..

البلد العربية الوحيدة اللى بتعانى إقتصادياً مصر ..

مع انها فيها خير كتير ..

إزاى بس ..

معايا يا شباب ويا بنات

هنا قول رأيك ماتخفش ..

رايح فى داهية رايح ..

بس ماحنا كده كده رايحين فى داهية ..

احنا هنا مش هنقول حلول .. زى ما قولت محدش هيبص لحاجة ..

احنا هنفضفض .. بضحك .. بهزار .. bigsmile.gif

بس نخفف حملنا شوية ..

تعالى قول حلمك عايز يحصل إيه فى البلد

بلاش البلد ..

انت عايز إيه على مستواك الشخصى ..؟

هسيبكم أنا تقولوا اللى فى نفسكم ..

عــــــــــــــــــــــــــــاطف